TRESNA SING SEMI
Dening : Siti Istianah, S.Pd.
Ening
wening wengiku
Angen-angenku
eling sliramu
Sinambi
nyawang tawang sadhuwurku
Nadyan
adoh panggonmu
Nanging
endahing tresna bisa tak rasa
Ana
ing jroning driya, jroning kalbu
Mbayangake sliramu
Kaya angete bagaskara wanti esuk
Wancine miwiti panguripan iki
Wancine menehi motivasi dhiri
Kanggo lumban ing pakaryan
Kanggo ngentekake awan ... nunggu
sang ratri
Marang
angin sing semilir
Nitip
kangenku nitip kanggo tresnaku
Muga
sliramu krasa
Muga
katresnamu uga padha
Tresnaku
sing semi ing ati
Tansah tak jaga kanthi ngetok digdaya
